*ଚୁଟକିରେ ଖବର :
ଏମିତି କିଛି ମଣିଷ ଥାଆନ୍ତି,ଯେଉଁମାନେ କି ଅନେକ ଝଡ଼ଝଂଜା ମଧ୍ୟରେ ଗତିକରି ବି ନିଜ ଅସୀମ ଧୈର୍ଯ୍ୟ ଓ ଅଧ୍ୟବସାୟ ଦ୍ଵାରା ସମାଜରେ ସୁପ୍ରତିଷ୍ଠିତ ହୋଇ ପାରନ୍ତି ।ଏମିତି ଦୁଇ ଭାଇ ହେଉଛନ୍ତି ସୁଦୂର ବଲାଙ୍ଗିର ଅନ୍ତର୍ଗତ ବଙ୍ଗୋମୁଣ୍ଡା ମାଟିର ସୁଯୋଗ୍ୟ ସନ୍ତାନ ଶିବ ପ୍ରସାଦ ଦାଶ ଓ ଦେବା ପ୍ରସାଦ ଦାଶ । ସଙ୍ଗୀତ କଳାରେ ଧୁରନ୍ଧର ଦୁଇଭାଇ ଖୁବ୍ କମ୍ ବୟସରୁ ଗାଇବା ଶିଖି ଏବେ ସାରା ଓଡ଼ିଶାରେ ପରିଚିତ ହେଲେଣି । ପିତା ସ୍ଵର୍ଗତଃ ପ୍ରମୋଦ କୁମାର ଦାଶ ଏବଂ ମାତା ଶ୍ରୀମତୀ ଜ୍ୟୋସ୍ନାମୟୀ ଦାଶ ।
ନିକଟରେ "ଭଏସ ଅଫ୍ ଆଲୋକ" ପ୍ରାୟୋଜିତ "ପ୍ରତିଭାର ଖୋଜ" କାର୍ଯ୍ୟକ୍ରମରେ ଉଭୟ ଭାଇ ଯୋଗ ଦେଇ ନିଜର ଅନୁଭୂତି ବଖାଣିଥିଲେ ।ଶିବ ପ୍ରସାଦଙ୍କ ସାକ୍ଷାତକାର ନେଇଥିଲେ ଶ୍ରୀ ଆଲୋକ କୁମାର ପଣ୍ଡା (ସମ୍ପାଦକ,VOA) ଏବଂ ଦେବା ପ୍ରସାଦଙ୍କ ସାକ୍ଷାତକାର ନେଇଥିଲେ ଶ୍ରୀ ତ୍ରିଲୋଚନ ସାହୁ (ସଭାପତି,VOA) । ପରିବାରର ସମସ୍ତ ସଦସ୍ୟ ସଙ୍ଗୀତ କ୍ଷେତ୍ରରେ ଥିବାରୁ ଶିବା ଆଉ ଦେବା ପିଲାଟି ଦିନରୁ ହିଁ ଗୀତ ଗାଇବା ଆରମ୍ଭ କରିଦେଇଥିଲେ । ବଡ଼ ଭଉଣୀ ଚୁମକି ଦାଶ ମିଶ୍ର ମଧ୍ୟ ପଶ୍ଚିମ ଓଡ଼ିଶାର ସୁନାମଧନ୍ୟା କବୟିତ୍ରୀ ଅଟନ୍ତି । ପିତା ମଧ୍ୟ ନିଜେ ଗୀତ ଗାଇବା ସହ ସଂଗୀତ ଶିକ୍ଷା ଦେଇଥିବାରୁ ପିତାଙ୍କ ଆଦର୍ଶରେ ଅନୁପ୍ରାଣିତ ହୋଇ ଦୁଇ ଭାଇ ସଙ୍ଗୀତ କ୍ଷେତ୍ରରେ ପାଦ ଥାପିଛନ୍ତି । ଓଡ଼ିଶାର ସଙ୍ଗୀତକୁ କିପରି ସାରା ଭାରତରେ ଏକ ସ୍ବତନ୍ତ୍ର ସ୍ଥାନ ମିଳିପାରିବ , ତାହା ହିଁ ଦୁଇ ଭାଇଙ୍କ ସ୍ବପ୍ନ ବୋଲି ସାକ୍ଷାତକାରରେ ପ୍ରକାଶ କରିଥିଲେ । ଆଜିର ସମାଜରେ ଯୁବ ସମାଜ ପଥଚ୍ୟୁତ ହୋଇଯାଉଥିବାର ଅନେକ ନିଦର୍ଶନ ଦେଖାଯାଉଥିବା ବେଳେ ଦାଶ ପରିବାରର ଏହି ଦୁଇ ଭାଇ ସମଗ୍ର ଯୁବ ସମାଜ ପାଇଁ ଏବେ ଏକ ଉଦାହରଣ ସାଜିଛନ୍ତି ।
No comments:
Post a Comment