ଗୃହିଣୀମାନଙ୍କ ପାଇଁ ଆଦର୍ଶ - ମୋନାଲିସା ମିଶ୍ର

ଚୁଟକିରେ ଖବର -

ନାଁ ଟି ମୋନାଲିସା ମିଶ୍ର , ଜଣେ ଗୃହିଣୀ । କିନ୍ତୁ କଣ୍ଠ ତାଙ୍କରି କୌଣସି ପ୍ରତିଷ୍ଠିତ ଗାୟିକାଙ୍କଠାରୁ କମ୍ ନୁହେଁ । ନିକଟରେ "ଭଏସ୍ ଅଫ୍ ଆଲୋକ୍" ପ୍ରାୟୋଜିତ "ପ୍ରତିଭାର ଖୋଜ୍" କାର୍ଯ୍ୟକ୍ରମର ୧୦ମ ଏପିସୋଡ୍ ରେ ଯୋଗ ଦେଇଛନ୍ତି ଶ୍ରୀମତୀ ମିଶ୍ର । ମାଡାମ୍ ସୁଦୂର ସୁବର୍ଣ୍ଣପୁର ଅନ୍ତର୍ଗତ ତରଭା ବାସିନ୍ଦା ଅଟନ୍ତି । 

ସେ ପିଲାଟି ଦିନରୁ ସଙ୍ଗୀତ ମାହୋଲ୍ ରେ ବଢିଥିଲେ ଏବଂ ବିଦ୍ୟାଳୟ ଜୀବନରେ ଅନେକ ପ୍ରତିଯୋଗିତାରେ ଅଂଶଗ୍ରହଣ କରି ବିଜୟିନୀ ମଧ୍ୟ ହୋଇଥିଲେ । ତେବେ ଏବେ ମଧ୍ୟ ଘରେ ବିଭିନ୍ନ ପୂଜା ପାର୍ବଣ , ଓଷା ବ୍ରତ ମାନଙ୍କରେ ତାଙ୍କ ଗୀତ ଶୁଣି ତାଙ୍କ ପରିବାରର ସଦସ୍ୟମାନେ ଖୁବ୍ ଖୁସି ହୁଅନ୍ତି । ତାଙ୍କ ସ୍ଵାମୀ ମଧ୍ୟ ତାଙ୍କୁ ଗୀତ ଗାଇବାକୁ ବହୁତ ଉତ୍ସାହିତ କରନ୍ତି । ଲାଇଭ କାର୍ଯ୍ୟକ୍ରମ ସମୟରେ ସହସ୍ରାଧିକ ଦର୍ଶକ ତାଙ୍କ ଗୀତ ଶୁଣି ନିଜ ନିଜ ମତାମତ ରଖିଥିଲେ । ଶ୍ରୀମତୀ ମିଶ୍ର କୁହନ୍ତି ଯେ, ପାରାୟଣ ଗୀତ ଏବଂ ରାମଲୀଳା ଗୀତ ଶୁଣି ଗାଇବା ତାଙ୍କ ଭାରି ପସନ୍ଦ । ତାଙ୍କ କଳାକାର ଜୀବନ ଆହୁରି ଆଗକୁ ଉଜ୍ଜଳମୟ ହେଉ ବୋଲି ଦର୍ଶକ ମହଲରୁ ଶୁଭେଚ୍ଛାର ସୁଅ ଛୁଟିଛି ।